ખાસ વ્યક્તિ માટે છાશનું વિતરણ, જે ગરમ દિવસોમાં અમારા શહેરના ટ્રાફિકને નિયંત્રિત કરે છે

આ દિવસે લગભગ 2 થી 3 કલાકની અમારી આ પ્રવૃત્તિએ અમારો દિવસ યાદગાર બનાવી દિધો. અમે જ્યારે એમના ટ્રાફીક સ્પોટ પર જઇને એમને છાશ આપીને એકાદ બે મિનીટ એમની સાથે વાત કરીને ,લોકોની સલામતી માટે એક સારી વ્યવસ્થા માટે આટલી ગરમીમાં એમની ફરજ બજાવી રહ્યા છે, એના માટે એમને પ્રોત્સાહિત વાતો કરી ત્યારે એમનાં ચહેરાં પર એવું સ્મિત રેલાયું કે એ જાણે એસી વાળી ઓફીસ માં બેઠા હોય. ખરેખર તો અમે એ લોકોનો આભાર માનવા ગયા હતાં, પણ બન્યું એવું કે એ લોકોએ અમારો જ આભાર માની લીધો.

આ દિવસે અમે લગભગ 600 છાસ પેકેટનું વિતરણ કર્યું હતું.અને વડોદરા ના લગભગ બધાજ અંદાજિત 150 થી વધારે ટ્રાફિક સ્પોટ પર બપોરના 12 વાગે ઠંડી છાશ પોચે એવા હેતુ સાથે આ કાર્ય કર્યું હતું .

ગર્વ છે મને કે હું આ ગ્રુપ ની (HFV) ની સભ્ય છું જે ઉમદા હેતુથી સામાજિક કાર્ય કરી રહ્યું છે………

– રાધિકા રસિકભાઈ ચોવટીયા